Nolanahi ere, PANeko segurtasun arduradunek adierazi dutenez, arazoak dituzte beren esku geatu diren hiri eta eremuak behar bezala kontrolatzeko, hain zuzen ere, oso baliabide murritzak dituztelako. Israelen okupazioak iraun duen bitartean, Palestinako segurtasun indarren azpiegitura eta tresna asko suntsitu ditutzte, hala nola, ibilgailuak eta polizietxeak. Horregatik, laguntza eskatu diote nazioarteko komunitateari, eta, bereziki, errepide mapa izeneko bake planaren sustatzeile diren AEBei. Washington laguntza emateko prest agertu da.
Astelehenean hasi zen Israelgo Armada Gaza iparraldeko lurralde okupatuetatik erretiratzen, eta 2000jo iraileko, bigarren intifada hasi zeneko, mugetara itzultzen. Indarkeria agerraldi guztiak desagertu ez badira ere, azken egunotan hainbat urrats egin dituzte israeldar zein palestinarrek bakea lortze aldera. Besteak beste, Palestinako talde armatu nagusiek —Al Fatak, Hamasek eta Jihad Islamikoak— su-etena aldarrikatu dute.
Ekialde Hurbila
Belen palestinarren esku geratu da
Israelgo Armada Zisjordaniako Belen hiritik erretiratu da gaur, eta palestinarren esku geratu da hiriaren kontrola. Ariel Sharon Israelgo lehen ministroak eta Mahmoud Abbas PAN Palestinako Aginte Nazionaleko lehen ministroak atzo hitzartu zuten erretiratzea. Belendik ez ezik, Gazako hainbat lekutatik ere erretiratu da, dagoeneko, Israelgo Armada, eta, orain, Palestinako segurtasun indarren kontrolpean geratu dira gune horiek.
Iruzkinak
Ez dago iruzkinik
Ordenatu
