Benetako IRAko kide bat zigortu dute Ipar Irlandan

BELFAST. Bizi osoko espetxe zigorra ezarri diote Brian Shiversi, Erresuma Batuko bi soldadu hiltzea leporatuta. 2009an Benetako IRAko ekintzaileek tiroz hil zituzten bi soldaduak. Colin Duffy bigarren akusatua zigortzeko frogarik ez dagoela ebatzi dute, berriz, epaileek. Atzo, hain justu, bi bonba leherrarazi zituzten Irlanda Iparraldeko Derryn, eta Benetako IRAri egotzi diote erasoa. Ez da inor zauritu erasoetan.