Aurreneko aldiz egin dute AEBetako militarrek horrelako deialdi bat Najafen, eta, ondorioz, herritarrak beldurtuta daude, zer gerta. Izan ere, azken egunotako miliziano xiiten altxamenduaren kontra oldarraldi gogorren bat egingo dutela uste dute Najafeko biztanleek.
Nolanahi ere, dagoeneko asko dira xiiten Irakeko hiri santutik ihes egin duten zibilak, hain justu, ostegunean hasitako altxamenduaren ondorioz dagoeneko jende asko hil delako.
Muktada Al Sadr abade xiitak, milizianoen buruzagiak, borrokarako deia berritu zuen atzo. "Azken odol tanta eman arte" segituko zuela borrokan adierazi zuen, eta gauza bera egiteko eskatu zien bere jarraitzaileei.
Irak
"Berandutu gabe" hiritik alde egiteko eskatu die AEBetako Armadak Najafeko herritarrei
AEBetako Armadako hainbat ibilgailu ibili dira gaur goizean Najafen, bozgorailuen bidez "berandutu gabe" hiritik alde egin dezatela eskatzen. Hori dela eta, xiiten hiri santuko biztanleek uste dute ofentsiba gogorren bat hasiko dutela estatubatuarrek eta beldurtuta daude. Armetan altxatu ziren miliziano xiitei, berriz, oldarraldia bertan behera utz dezatela eta hiritik alde egin dezatela eskatu diete.
Iruzkinak
Ez dago iruzkinik
Ordenatu
