Ellen Johnson Sirleaf Liberiako presidenteak eta Leymah Gbowee eta Tawakkol Karman giza eskubideen aldeko ekintzaileek jaso dute Bakearen Nobel saria, Oslon, eta ekitaldian berdintasuna, bakea eta justizia eskatu dute. Emakumeen eskubideen alde egindako lanagatik saritu dituzte.
Sirleafek adierazi du ohorea dela berarentzat Nobel sariarekin saritu dituzten beste afrikar batzuen bidea jarraitzea, eta Desmond Tutu Hegoafrikako artzapezpikua eta Kofi Annan NBEren idazkari nagusi ohia aipatu ditu. "Liberiako, Afrikako eta mundu osoko emakumeen izenean apaltasunez onartzen dut sari hau", gaineratu du.
Gboweek ere munduan bakearen, berdintasunaren eta justiziaren alde ari diren emakumeen izenean jaso du saria, eta berarentzat ohore bat dela esan du.
