BESTE BATASUNA. Companysen aurkako prozesua baliogabetzeko eskatu dute

Espainiako Justizia Ministerioak iragarri du Generalitateko presidente ohi Lluis Companysen irudiari egindako kaltea konpontzen ahaleginduko dela. Hori, ordea, ez da nahikoa Duintasunaren Batzordeko kideentzat. Horiek presidente izandakoaren aurkako epaiketa baliogabetzeko eskatzen dute. «Ez ditugu moralaren inguruko adierazpenak behar;prozesua baliogabetzea eskatzen dugu, eta ez dugu besterik onartuko», nabarmendu du Josep Cruanyes Duintasunaren Batzordeko eledunak. 1940an fusilatu zuten Companys.