Beste hiru preso askatuko dituela iragarri du Kubak

HABANA. Kubako Eliza katolikoak atzo iragarri zuen agintariek beste hiru preso politiko askatuko dituztela datozen egunetan. Aske utziko dutenetako bat da Adrian Alvarez, 1985ean atxilotua, eta espetxean denbora gehien daraman presoetako bat. Horiekin 50 inguru dira kartzelatik irten eta deportatuak izatea onartu duten presoak.