Gutxienez hamabi lagun -haien artean zazpi polizia- hil dira gaur goizean bi ekintzaile suizidak Ipar Kaukasoko Dagestango Errepublikan egin dituzten atentatuetan. Lehendabizi, 08:30 ingurua (06:30 Euskal Herrian) bonba-auto bat zartarazi du suizida batek, Barne Ministerioaren eta FSB Errusiako Segurtasun Zerbitzu Federalaren egoitzetatik 300 bat metrora. Poliziaren auto bat ari zen ondotik pasatzen ekintzaileak autoa eztandarazi duenean.
Handik ordu laurden ingurura, aurreneko atentatua gertatu den gunean polizia ugari bilduta zegoen unean, beste ekintzaile suizida batek gorputzera itsatsitako lehergailua zartarazi du. Esan bezala, gutxienez hamabi hildako utzi dituzte atentatu bien artean.
Herenegun Moskuko metroan lehergailuak zartarazi zituzten bi ekintzaile suizidak, eta 39 lagun hil. IparKaukasoko ekintzaileei leporatu dizkie Errusiako Gobernuak atentatu horiek. Dagestan Ipar Kaukasoko errepublika handiena da.
Mundua
Bi atentatu suizidaren ondorioz, gutxienez 12 lagun hil dira Dagestanen
Barne Ministerioaren eta Errusiako Segurtasun Zerbitzuen egoitzen alboan egin dituzte erasoak. Errusiak Ipar Kaukasoko ekintzaileei egotzi dizkien Moskuko metroko atentatuetatik bi egunetara egin dituzte Dagestangoak.
Iruzkinak
Ez dago iruzkinik
Ordenatu
