Mohamed al-Rawi Bagdadeko Medikuntza fakultateko errektorea izan zen AEBtako militarrek Irak hartu zuten arte. Irakeko 'Al-Zaman' egunkariaren arabera, ziurrenik mendekuz hil zuten unibertsitateko zuzendari ohia, baina egunkariak ez du guztiz baieztatzen berri hori.
Iragan astean, Anbarreko unibertsitateko Medikuntza fakultateko Abdelsalam Al-Aani errektoreak ere antzeko eraso bat jasan zuen, baina sabelean bala zauriak bazituen ere, bizirik ateratzea lortu zuen.
Irakeko auzia
Bi gizonezkok Bagdadeko unibertsitateko zuzendari ohia hil dute
Bagdadeko unibertsitateko zuzendari ohi Mohamed al-Rawi hil zuten orain bi egun bi gizonezkok. Al-Rawik harreman estua zuen Saddan Husseinen Baaz alderdi desagertuarekin. Polizia iturrien arabera, armaz josita zeuden bi gizonezko Bagdadeko Al-Mansura auzoan al-Rawik zuen erietxean sartu eta tirokatu egin zuten.
Iruzkinak
Ez dago iruzkinik
Ordenatu
