Darren Wilson poliziak hil zuen Michael Brown. Autopsian, azaleratu zuten Wilsonek sei aldiz egin ziola tiro Browni, baina, hala ere, ez zuten auzipetu. Erabaki horrek istiluak sortu zituen Fergusonen (Missouri, Amerikako Estatu Batuak), hilketa gertatu zen hirian, eta liskarrak beste 170 hiritara zabaldu ziren Brown hil ondorengo asteetan.
Hilketaren urteurrenean, Fergusonen egin dute Brown zena gogoratzeko mobilizazioa. Amaieran, hainbat lagunek errepidea eten eta saltoki ugaritako kristalak apurtu dituzte. Manifestazioa desegiten saiatu da Polizia, eta, jakinarazi duenez, bi lagun tiroz zauritu ditu.
Brown ez da AEBetako Poliziak tiroz hildako azken beltza izan. Apirilean, Freddie Gray 25 urteko gaztea Poliziaren zaintzapean hil zen Baltimoren, bizkarrezurra hautsi eta koman sartu ondotik. Auzi horretan, sei polizia auzipetu zituen fiskalak. Ekainean, berriz, Michael Slager poliziak Walter Scott herritar beltza bizkarretik tiro eginda hil zuen North Charlestonen.
