ANCk eta Omnium Culturalek geldialdi nazionala izena jarri diote gaurko egunari, urriaren 4an egin zutenari bezala. CSC intersindikalak antolatu zuen greba, eta deialdiarekin bat egin du Alternativa intersindikalak ere. USTEC hezkuntzako sindikatu nagusiak ere bat egin du. Haiek diote badirela lanarekin lotutako arrazoiak grebarako —adibidez, Espainiako Gobernuak enpresei Kataluniatik alde egiteko erraztasunak emateak langileei eragiten diela—, baina ezetz uste dute CCOOk eta UGT. Azken bi horiek horregatik ez dute bat egin deiarekin.
Grebarako ez, baina mobilizaziorako arrazoiak badirela uste dute bi sindikatu horiek, eta, beraz, mobilizatzeko deia egin diete sindikatuko kideei. "Eskubide eta askatasunen alde" mobilizatu egin behar dela diote. Protestara lotu behar dela preso sartu dituzten kontseilarien eta ANC zein Omniumeko presidenteen askatasuna eskatzeko, eta baita 155. artikuluaren aplikazioaren kontra egiteko ere. Horregatik, biharko mobilizazioekin ez ezik, bat egin dute larunbateko manifestaziorako deiarekin ere.
CECOT eta PIMEC patronalek ere ez dute grebarako deia babestu, argudiatuta ez dela enpresen eta langileen arteko gatazkei erantzuteko. Hala ere, PIMECek dio espetxeratzeen kontra dagoela, eta neurrigabeak direla Espainiako Auzitegi Nazionalaren erabakiak.
ERCk, CUPek eta Democratesek ere mobilizatzeko deia egin diete herritarrei. Catalunya en Comunek ez du zuzenean dei egin grebara, baina Demokraziaren Aldeko Mahaiak antolatutako "mobilizazio jendetsuetan" parte hartzeko deia egin du. 12:00etan, elkarretaratzeak egin dituzte Generalitatearen egoitzen atarietan, eta, 18:00etan, udaletxeen aurrean.
Dimecres, 8N donem suport a l'aturada de país per demanar #LlibertatPresosPolítics ðŸ™ÂÂÂÂÂÂÂŒðŸ¼I recorda! Les concentracions seran:
— Òmnium Cultural (@omnium) 2017(e)ko azaroak 7
🕛A les 12 h: davant de les delegacions territorials de la @gencat. A Bcn, a pl. Sant Jaume
🕡A les 18 h: davant dels Ajuntaments. A Bcn, a pl. Catedral pic.twitter.com/a9nyYa1dMX
Errepublikaren Aldeko Unibertsitate Elkarteek eta Errepublikaren Aldeko Batzordeek ere bat egin dute greba eta mobilizazio deialdiekin.
