Tiroz hil dute Jerusalem ekialdean autoarekin bi soldadu israeldar harrapatu dituen palestinar bat. Soldaduak harrapaketaren tokian bertan artatu dituzte, eta arriskutik kanpo daude.
Beit Umarren ere, Hebronen, beste palestinar bat hil dute tiroz. Israelgo armadaren iturrien arabera, autoarekin sei soldadu harrapatu ditu palestinarrak.
Atzo beste palestinar bat hil zuten tiroz Zisjordanian. Polizia israeldar bati labanaz eraso egiteagatik egin zioten tiro Jaled Jawabreh gazteari. Orotara 103 palestinar eta 19 israeldar hil dira urriaz geroztik palestinarren eta israeldarren arteko liskarretan.
