BIKTIMEN AHOTSA ENTZUTEKO TXANDA

Hosni Mubarak Egiptoko presidente ohiaren aurkako epaiketan, iragan urte hasierako matxinadako errepresioaren biktimen txanda izan zen atzo. Haien abokatuek frogak aurkeztu zituzten, Mubarakek manifestarien hilketak agindu zituela erakusteko xedez. Bertzeak bertze, Mubaraki egotzi diote poliziei armak anbulantzietan eramateko agindu izana, lehenbailehen jaso zitzaten manifestariei tiro egiteko. Irudian, Mubaraken aurkako manifestari bat urkatzeko soka bat eta balantza bat —Justiziaren ikurra— erakusten, atzo, epaiketa egiten ari den Polizia Akademiaren kanpoaldean, Kairon. Gaur jarraituko du prozesuak.