Bilera presidentearekin

Aung San Suu Kyi Myanmargo oposizioko burua Thein Sein presidentearekin bildu da lehen aldiz. Bakearen Nobel saria du 66 urteko emakumeak, eta azken hamabost urteak espetxean igaro ditu; azaroan utzi zuten aske, hauteskundeak egin ondoren.

Thein Seinek, berriz, martxoan hartu zuen presidente kargua; erregimen militarraren mende dago Myanmar. Thein Sein ere armadako goi kargudunetako bat izana da, baina oraingo gobernuko kide moderatuenetakoa da, eta oposizioarekin harreman ona izateko aurrerapausoak ematen ari da.