Bonba-auto bi lehertu dira Bagdaden, eta gutxienez bost lagun hil dira

Bonba-autoen burrunbarekin esnatu da gaur ere goiza Bagdaden, erreboltariek bi ibilgailu leherrarazi baitituzte. Lehendabizikoak hiriaren erdialdean egin du eztanda, AEBetako Armadaren presentzia ohikoa den Tahrir plazan. Hain justu, zenbait ibilgailu militar plaza zeharkatzen ari zirela gertatu da erasoa, eta gutxienez bost hildako utzi ditu. Bigarrena Bagdad hegoaldean zartarazi dute eta Irakeko zenbait polizia zauritu ditu.