Eguerdian topatu zuten haren gorpua, eta El Faro de Vigo egunkariak lehen ikerketak aipatuz argitaratu duenez, ez dago zantzurik haren heriotzean beste inork parte hartu zuela ondorioztatzeko.
Lahaine.org atariak zalantzan jarri du bertsio hori, ez baitute uste bere buruaz beste egiteko asmorik zuenik. Lehen graduan zegoen preso Martin Gomez. Webgune horrek azaldu duenez, preso "errebelde eta aldarrikatzailea" zen, eta sarri aldatzen zuten espetxez, kartzela berri batera heltzean gainerako presoak baraualdiak egitera deitzen baitzituen.
Atari berak gogorarazi du A Lamako espetxean hil zela iazko apirilean Eugenio Garcia Serrano presoa.
