Gutxienez bost pertsona hil dira Afganistango presidente Hamid Karzairen anaiordearen hiletan, Kadahar hiriko meskita batean. Leherketa bat egon da, eta informazio iturri ofizialek esan dute atentatu bat izan dela.
Herenegun goizean hil zuten, tiroz. Talibanek beren gain hartu zuten hilketa, eta ekintza «indartsua eta mingarria» izan zela adierazi zuten. Negozio asko kudeatzen zituela eta —horietako batzuk susmagarriak—, harekin lanean ziharduten gobernuko hainbat kidek —izenik ez dute eman— zalantzan jarri dute noren izenean eta zergatik hil duten.
