Espainiako armadako bost militar istripuz hil dira gaur, Madrilgo tiro eremu batean izan den leherketa batean. Lehergaiak indargabetzeko maniobrak ari ziren egiten militarrak, eta hasiera batean hildakoak bi ziren arren, hiru zauritu ere hil egin dira gero.
Hildakoen artean orain dela gutxi Afganistandik iritsitako soldaduak daudela esan du Carme Chacon Espainiako Defentsa ministroak, eta horietako batzuk "adituak" zirela gaineratu du.
