Gaurko partidetako protagonisten ezaugarriak:
Hego-Korea
Presiopean. 2002ko ekitaldian laugarren izan zen. Oraingoan, ordea, lanak izango ditu balentria hori errepikatzeko.
Eskarmentua. Selekzioko jokalari dezente aurreko Munduko Kopan aritu ziren.
Lana. Fisikoki selekzio indartsua da. Gainera, langileak dira denak. Talentu gehiegi izan ez arren, erraz egiten dute aurrera.
Togo
Giro txarra. Otto Pfister hautatzaileak dimisioa eman du. Jokalariek jaso beharreko diru-pizgarriak eragin du erabaki hori.
Eskarmentu falta. Estrainekoz arituko da Munduko Kopa batean.
Adebayor. Aurrelari fina da, goleatzailea. Monakon fin aritu ondoren, Arsenalen jokatzen du gaur egun.
Frantzia
Estatistika. Sailkapen fasean elkarren kontra aritu ziren, eta bi partidak berdindu zituzten.
Aldaketak aurrean. Dirudienez, Trezeguet aulkian geldituko da. Wiltord zein Malouda arituko dira hegaletan.
Susperraldia. Azkeneko Munduko Kopan zein Europako Txapelketan kale egin ondoren, gora begira jarri nahi du berriro.
Suitza
Belaunaldiak. Horiek uztartzen asmatu du Jakon Khun hautatzaileak.
Defentsa. Senderos eta Djourou erdiko gazteek Arsenalen jokatzen dute, eta eurak arduratuko dira Henry zaintzeaz.
Frei. Aurrelari bikaina da. Bere golei eta taldearen lanari esker, final-zortzirenetara igaro nahi du Suitzako selekzioak.
Brasil
Estrainekoak. Brasilek Munduko Kopako lehen partida irabazten du normalean. Halaxe egin du azken sei ekitaldietan
Jarraian. Behin bakarrik izan da gai, bi Munduko Kopa segidan irabazteko: 1958an eta 1962an
Talentua. Ronaldinho, Adriano, Ronaldo eta Kakak osatzen dute lauki magikoa. Jokalari denek dute, baina, erasorako joera.
Kroazia
Zuhurrak. Igor Tudor erdilariaren esanetan, txapeldunen kontra berdintzea «aparteko emaitza» lortzea litzateke.
Arriskua. Prso eta Klasnic aurrelariak kontuan hartzeko jokalariak dira.
Estatistika. Bi selekzioak behin bakarrik aritu dira elkarren kontra. Iragan abuztuan jokatutako lehia bana amaitu zen.
2006ko Munduko Kopa
Brasilek 1-0 irabazi dio Kroaziari, uste baino joko eskasagoa eginda
Pixkanaka selekzio guztien txanda iristen ari da. Gaur, besteak beste, Brasilek jokatu du, askorentzat faborito nagusia dena. Nagusia eta bakarra. Munduko Kopako bosgarren jardunaldia izan da gaurkoa eta hiru partida jokatu dira, F eta G multzoetakoak hain zuzen. Lehen bi partidak G multzokoak izan dira dira: Hego Korea 2 - Togo 1 eta Frantzia 0 - Suitza 0 (biak amaituta). Eta F multzokoa =bBrasil 1-Kroazia 0b.
Iruzkinak
Ez dago iruzkinik
Ordenatu
