Brasilgo 'faveletan' 35 lagun hil dira dagoeneko

RIO DE JANEIRO. Brasilgo armadak Vila Cruzeiro eta Complexo do Alemao favelak hartuak badituzte ere narkotrafikatzaileen eta segurtasun neurrien arteko borrokek ez dute amaitzeko itxurarik. 35 dira dagoeneko hildakoak, eta dozenaka atxilotu daude. Bi txabola eremuetako sarrera eta irteerak kontrolatuta dauzkate trafikatzaileek ez dezaten handik alde egin.