Beste behin, negar gasa eta gomazko balak jauritu ditu Fergusongo (Missouri, AEB) Poliziak manifestarien aurka. Ehunka lagun bildu dira Eskuak gora, tirorik ez lelopean hiriko hainbat puntutan egin diren protestetan. Hiria poliziaren kontrolpean egonik, ordea, liskarrak lehertu dira haiek manifestazioak desegitera joan direnean.
Powerful picture we took today at Howard University #Ferguson#MikeBrown#MyaWhite#DONTSHOOTpic.twitter.com/ttdVg33n5w
— Megan Sims (@The_Blackness48) August 14, 2014The Civil Rights Act is 50 years old. These two pictures were taken 50 years apart. Behold our progress. #Fergusonpic.twitter.com/8PNn8eteO2
— Jackie Summers (@jackfrombkln) August 13, 2014Igandeaz geroztik 50 pertsona inguru atxilotu dituzte, tartean bi kazetari eta zinegotzi bat. Washington Post egunkariko Wesley Lowery da atzemandako kazetarietako bat. "Kazetari talde bat geunden McDonaldsean lanean, Polizia etorri eta bertatik ateratzeko agindu digunean. Gutako bi, ordea, ez gara haiek nahi adina azkar atera eta identifikatu eta atxilotu egin gaituzte", adierazi du Loweryk sare sozialetan.
Antonio French zinegotzia ere atxilotu egin du bart Poliziak. Hura ere liskarren nondik norakoen berri ematen aritu da azken egunetan.
Egoera okertuz doala ikusita Kongresuko diputatu talde batek eskatu dio Justizia Departamentuari Michael Brown 18 urteko gaztearen heriotza ikertzeko. "Ez da lehen aldia Polizia Departamentuak arrazakeriak bultzatutako jokatzen duen susmoa zabaltzen dela", ohartarazi du taldeko buru Martha Fudgek.
Bien bitartean, Poliziak uko egin dio gazte belatzaren aurka tiro egin zuen agentearen datuak argitara ateratzeari, argudiatuz horrek "arriskuan" jarriko lituzkeela agentea eta haren familia.
