Chavez Brasilera joango da tratamendua jasotzera

SAO PAULO. Hugo Chavez Venezuelako presidentea Brasilera joango da minbiziaren aurkako tratamendua jasotzera, Sao Pauloko ospitalera. Dilma Rousseff Brasilgo presidenteak egin zion gonbita, eta Chavezek onartu egin du. Ospital horretan jaso zuen tratamendua Rouseffek 2009an, eta Fernando Lugo Paraguaiko presidenteak iaz. Biek minbizia zuten, eta sendatu egin ziren.