CHAVEZ, «OSATZEN»

Astebete darama Hugo Chavez Venezuelako presidenteak Kuban. Astelehenean ebakuntza egin zioten, iaz minbizia izan zuen lekuan bertan zuen «lesio» bat sendatzeko. Atzo Fidel Castro Kubako buruzagi ohiarekin elkartu zen—irudian—, eta bi orduz hizketan aritu zirela jakinarazi zuten. Raul Castro egungo buruzagiarekin ere elkartu zen. Venezuelako telebistan, Chavezek telefonoz esan zuen «azkar osatzen» ari dela eta aurki itzuliko dela herrialdera .