Paraguaiko Hauteskunde Justiziako Auzitegi Nagusiak emandako datuen arabera, Colorado alderdiak irabazi ditu herrialde horretako hauteskundeak, eta Horacio Cartes izango da presidente. Botoen %45,8 lortu ditu Coloradoko hautagaiak presidentetzarako bozetan, eta Alderdi Liberala izan da alderdi bozkatuenen artean bigarrena, botoen %36,9 jasota.
Hirugarren Avanza Pais (Herrialdea Aurrera) alderdi sozialista izan da, Mario Ferreiro buru duena, botoen %5,1ekin. Guasu Frontea ezkerreko alderdi aurrerakoiak, berriz, botoen %3,3 jaso ditu. Fernando Lugo presidente ohia alderdi horrekin aurkezten zen bozetara, Senaturako zerrendetan. Goi ganberan 45 eserlekuetatik bost eskuratu ditu Frente Guasuk, eta Lugok beteko du horietako bat.
Hautesleen %68 joan dira botoa ematera.
