CUPek bere militantziarekin kontrastatu nahi du irailaren 27ko hauteskundeetara politikorik gabeko zerrenda batua aurkezteko proposamena, eta horrenbestez, gaur Artur Masek deitutako bilera atzeratzea eskatu du. David Fernandezek baieztatu du albistea Catalunya Radio-n eginiko elkarrizketan. Gaurko bilera hurrengo astean egingo da.
ANC Biltzar Nazional Katalana, Omnium Cultural eta ERC ziren bilerara joatekoak. Ofizialki bilera atzeratuko den berririk ez dutela jaso esan diote Vilaweb-i. Hala ere, esan dute bazekitela CUPek "agenda arazoak" zituela. Izan ere, bihar batzar nazionala du CUPek.
David Fernandezek adierazi du proposamena aztertzeko prestutasun osoa dutela CUPen.
