Dalai-lamaren eledunak Txinan dira negoziatzeko

Olinpiar Jokoen ostean lehen aldiz bilduko dira Tibeteko ordezkariak Pekingo gobernuarekin, elkarrizketak sustatzeko

Erredakzioa
2008ko urriaren 31
00:00
Entzun
Dalai-lama atsekabetuta agertu da asteon Txinarekin izandako bake negoziazioei buruz, eta haren bi ordezkari gobernu komunistarekin elkartuko dira gaurtik hasi eta hurrengo egunetan Pekinen. Tibeteko ordezkariek Txinarekin egiten duten hirugarren bilkura da udaberrian monje tibetarrek Pekinen aurka eginiko protestek indarkeria uholdea eragin zutenetik. Lehenengo bilkura da Olinpiar Jokoen ondoren.

Kasur Lodi Gyaltsenek eta Kelsang Gyaltsenek, dalai-lamaren eledunek, negoziazioak berpiztea izango dute helburu, Tibeteko erbesteko buruzagi erlijioso eta politikoak aste honen hasieran elkarrizketen inguruan amore eman ondoren. Hala, dalai-lamak Indian erbestean dagoen Tibeteko Gobernuak bilkura berezia egitea bideratu zuen, herrialdeko geroaz eta Tibeteko mugimenduaz oro har eztabaidatzeko. Azaroaren 17an egingo dute Macleodganjen.

Pekinek ezarritako baldintza

Tibeteko 73 urteko buruzagiak herrialdearentzat autonomia zabalagoa eskatu du azken boladan-erdibideko irtenbidea hitzartu nahian-; Pekinek, dena den, ¬ęseparatista¬Ľ izatea leporatu dio dalai-lamari. Estatuaren arabera, lurraldea Txinaren zati banaezina dela aitortu behar du lehenago buruzagi horrek, negoziazioak egiteko. Pekinek ez zituen, atzo, elkarrizketak baieztatu, baina bezperan Tibeteko eledunekin biltzeko asmoa agertu zuen, Xinhua agentziari jarraiki.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.