Aipatutako erakundeak zenbaketa azkarra egin du, eta eta horren arabera, botoen %38,49 izango lirateke Ortegarentzat eta %29,52 haren aurkari nagusi ALN eskuindarreko hautagai Eduardo Montealegrentzat. Hori beteko balitz ez litzateke bigarren itzulirik beharko. Izan ere, hautagai batek lehen itzulian hautatua izateko botoen %40 baino gehiago eskuratu behar ditu, edo, bestela, bigarrenari %5eko aldea baino handiagoa kendu beharko lioke. Bigarren baldintza hori Ortegak erraz gaindituko duela iragarri du Etica Y Transparenciak.
Zenbaketa errealari dagokionez, botoen ia %15 zenbatu dituzte, eta horren arabera ere Ortegak ez luke bigarren itzulirik beharko:%40,04 jaso ditu hautagai sandinistak. Montealegrek, berriz, botoen %33,29 izango lituzke.
Daniel Ortega Nikaraguako presidente izan zen 1985etik 1990ra, Gobernu Sandinistarekin. Nolanahi ere, egun sandinistak ez daude alderdi bakarrean bilduta.
Mundua
Daniel Ortegak garaipen zabala lortu du Nikaraguako hauteskundeetan
Oraindik guztiz argitzeke dago bigarren itzulirik beharko den presidentea aukeratzeko, baina Etica Y Transparencia erakundeak egindako zenbaketa azkarraren arabera, sandinisten hautagaiak presidente izendatua izateko adina boto eskuratu ditu.
Iruzkinak
Ez dago iruzkinik
Ordenatu
