Bieterrek, botoen %68,8 eskuratuta, aise irabazi ditu atzo egin ziren hauteskundeak. Judy Peavey-Derri bere aurkariari alde handia atera dio; 40 puntu baino gehiago. Hautagai errepublikanoak botoen %26.4 lortu zituen.
Dave Bieter (Boise,Ameriketako Estatu Batuak, 1959) Ameriketara joan ziren euskal artzainen ondorengoa da; aitona, artzaina, Larrabetzukoa zuen. Amona, berriz, Lekeitikoa. Bieterrek inoiz ez ditu sustrai euskaldunak ahaztu, eta euskal hiztuna da. Euskal gatazkan ere bere aletxoa jarri zuen: 2002ko martxoan Peter Cenarrusa, orduko Idahoko Estatu Idazkaria eta beraren ekimenez Idahoko Memoriala, Euskal Herriko autodeterminazio eskubidearen aldeko memoriala, bultzatu zuten, eta Estatuko Ordezkarien Ganberan eta Senatuan onartua izan zen.
Donostiako Alkateen Konferentzian ere parte hartu zuen, 2013ko urrian, autodeterminazioaren aldeko aldarria eginez.
