DEBEKUA GAINDITUZ, PROTESTAN

Aljerian karrikak hartzeko asmoa zuen oposizioak atzo, Abdelaziz Buteflika presidentearen aurka protesta egiteko, baina Poliziaren presentzia itogarriak ia ez zuen horretarako tarterik utzi. Trabak gaindituz, Aljer hiriburuko Maiatzaren Lehena plazara 3.000 lagunek lortu zuten iristea, baina Poliziak borrekin jo eta sakabanatu zituen. Bi lagun larri zauritu zituzten; horien artean, oposizioko RCD alderdiko diputatu bat. Irudian, Aljerko manifestari talde bat.