Urtea hasi denetik ezustean etorri dira Hailemariamek eginiko iragarpenak. Izan ere, hilaren 3an jakinarazi zuen preso politikoak askatuko zituela, "adiskidetze nazionala" errazteko. Azken bi urteotan gutxienez 700 lagun hil dituzte gobernuaren aurkako protestetan. Hailemariam 2012tik izan da lehen ministro.
Azken asteotan milaka preso askatu dituzte —Merera Gudina oposizioko burua barne—, baina gobernuaren aurkako protestak ez dira itzali; nagusiki, bi eskualde handienetan, oromian eta Amharan. BBC katearen arabera, azken protestetan hamar lagun hil dituzte.
