Dozenaka desagertu dira Kongoko aintzira batean

KINSHASA. Gutxienez hamabi lagun hil dira eta beste 80 desagertu igandean txalupa bat hondoratzean, Kongo ekialdeko Kivu aintziran. Atzo zabaldu zutenez, txalupa jendez eta materialez kargatuta zegoen, eta haizeak eta olatu handiek hondoratu zuten. Errepide gutxi daudenez, aintzirak eta ibaiak dira komunikazio bide nagusia Kongon.