Dozenaka hildako Afganistanen

KABUL. Afganistan ipar-mendebaldeko Farjab eskualdeko borroketan, ustezko 25 taliban, bost polizia eta bi zibil hil ziren atzo. Hegoaldeko Uruzgan eskualdean, berriz, bi soldadu estatubatuar hil ziren, polizia uniformez jantzitako gizon baten erasoaren ondorioz. Mendebaldeko Farah eskualdean, azkenik, soldadu afgandar bat eta italiar bat hil ziren, matxinoen tiropean.