EBko immigrazio legedia beteko duela dio Frantziak

PARIS. Eric Besson Frantziako Immigrazio ministroak jakinarazi du EB Europako Batasunak agindutako erreformak gauzatuko dituela. Europako Batzordeak Frantziako araudia EBko zuzenbidera egokitzeko eskatu zion joan den irailean, ijitoen kanporatzeak zirela eta. Egokitzapenak egiteko eta aldaketen berri emateko, ostiralera arteko epea eman zioten Frantziari. Hala egiten ez badu, zigor espedientea zabalduko diote.