Gaitzaren kasu berriak oraindik ere ager daitezkeen arren, bi urtez Afrika mendebaldean zabaldu den izurritea amaitutzat eman du OME Osasunaren Munduko Erakundeak. Rick Brennan emerjentzia planetarako zuzendariak esan duenez, "geldituta daude gaitza zabaltzeko bide guztiak". 2013an agertu zen gaitza, eta ordudanik ez zuten lortu zabaltzeko hartzen ari zen bideak etetea. Orain, lortu dutela diote.
Hala ere, alertan egon behar dela nabarmendu du OMEk, gaitzaren kasu berriak ager baitaitezke. Izan ere, 2015ean ere Libian izurritea amaitutzat jo zuten, baina, gerora, birritan berpiztu da gaitza. Gaur bete da gaitza izateko arriskuan zegoen azken lagunaren 42 eguneko inkubazio epea, eta ez dagoela gaixo frogatu dute. Liberian, Ekuatore Ginean eta Sierra Leonan zabalduta egon da izurritea.
