Ecowasekin bildu dira Azawadeko tuaregak

UAGADUGU. MNLA Azawaden Askapen Nazionalerako Mugimenduko ordezkariak Ecowas Afrika mendebaldeko herrialdeen erakundeko mandatariekin bildu dira Burkina Fason, Maliko Gobernuarekin duten gatazkaz mintzatzeko. Tuareg matxinoen bozeramaileak erran du «independentziaren ikuspuntua» azalduko diotela Ecowasi. Halaber, erran du xaria ez dela ez euren kulturaren ez politikaren parte.