Egipto aurrez aurre

Egipton, mundu osoan bezala, pertsona bakoitzak bere iritzia dauka. Horregatik, ezin da esan Amr Mohamed Abd el Alen eta Khaled Salemen usteek herritarren gehiengoa ordezkatzen dutenik.

Kairoko bi gazteok, herritar arruntak, bizimodu oso ezberdina dute, eta ideal antagonikoak, baina herriaren etorkizunari buruzko ziurgabetasuna eta kezka partekatzen dituzte. Amrrek Mohamed Mursiri eman zion botoa, Anaia Musulmanen liderrari, aldaketa ordezkatzen duenari — lehen itzulian Abdim Sabahy hautagai sozialistari eman zion— , eta Khaledek Ahmed Xafiki, Hosni Mubaraken azken lehen ministro izandakoari, jarraipena ordezkatzen duenari.