Egiptoarrek benetako aldaketak eskatu dituzte

KAIRO. Beste behin, egiptoar ugari irten ziren atzo kalera, Tahrir plazan benetako aldaketak eta gobernu berria eskatzeko. Ministro gehienak eta Ahmed Shafik lehen ministroa Hosni Mubarak presidente ohiaren gobernukoak direla salatu dute, eta erregimen harekin zerikusia dutenak epaitzeko eskatu. Preso politiko guztiak askatzeko ere aldarrikatu dute.