Egiptoko Parlamentuak Israelgo enbaxadorea deserriratzeko eskatu du

Israelek Egipton duen enbaxadore Jaakov Amitai herrialdetik kanporatzeko eskatu du Egiptoko Parlamentuak, Gazaren aurkako erasoagatik, eta Egiptok Israelen duen enbaxadorea herrialdera itzultzeko eskaera egin dio gobernuari. Horrez gain, Tel Avivi gas esportazioak eteteko eskatu du Egiptoko Parlamentuak. Saad al-Katatni legebiltzarreko presidentearen esanetan, Israelek giza eskubideak «nabarmen urratu ditu», eta boikota egiteko deia egin die herrialde arabiarrei eta nazioarteko enpresei: «Egiptok Israelekin dituen harremanak eta hitzarmenak berrikusi behar ditu, herrialdearen lehen etsaia delako».

Bestalde, Egiptoko Poliziak arma bat konfiskatu dio Amitairi aireportuan, Israelera bueltatzeko zain zegoela. Egiptoren arabera, Amitaik ez zuen armak hegazkinean eramateko bahimenik.