Anaia Musulmanek heldu den astean erabakiko dute Egiptoko presidentetzarako hautagai bat aurkeztuko duten ala ez. Aurkeztea erabakiko balute, duela urtebete Hosni Mubarak agintetik kentzean egindako zina hautsiko luke alderdi islamistak, orduan presidentetzarako ez zela lehiatuko adierazi baitzuen, eta horren ordez bertze hautagaietako baten alde eginen zuela. Heldu den apirilaren 4an bukatuko da hautagaiak aurkezteko epea.
Egiptoko hedabideek uste zuten Anaia Musulmanek eta Mubarak eroriz geroztik indarrean dagoen Kontseilu Militarrak hautagai bat hitzartuko zutela, baina islamisten eta armadaren azken tirabirek aukera hori txikitu dute. Izan ere, Kontseilu Militarrak ez du egungo gobernua desegin nahi, herrialdeko alderdi nagusiak hori eskatu dion arren. Anaia Musulmanen ustez, Kamal Ganzouri lehen ministroak «porrot» egin du bere egitekoan.
Indar nagusia, erruz
Anaia Musulmanek Askatasuna eta Justizia Alderdia sortu zuten parlamenturako bozetarako, eta Egiptoko Aliantza Demokratikoa koalizioarekin aurkeztu zen hori. 11 alderdik osatzen dute koalizioa, eta Bakea eta Justizia Alderdia da nagusia. Aliantza Demokratikoak erruz irabazi zituen bozak, parlamentuko jarlekuen %45 lortuta.
Egipton presidentetzarako lehian sar litezke Anaia Musulmanak
Estatuko boterea hartzeko hautagairik ez aurkezteko zina heldu den astean berrikusiko du alderdi islamistak
Iruzkinak
Ez dago iruzkinik
Ordenatu
