Motor batean Egunsenti Urrekararen Atenaseko egoitza baten aurrera joan eta Kalaxnikov batekin tiro eginda, Greziako alderdi neonaziko bi kide hil dituzte, eta beste bat larri zauritu. Nikos Mikhaloliakos Egunsenti Urrekarako buruzagiaren alaba ere Neo Iraklioko egoitzan zegoela zabaldu dute hainbat iturrik, baina erabateko ziurtasunik gabe. Greziako Poliziak bi lagun tiroz hil dituztela baieztatu du, baina Egunsenti Urrekarako kide zirenik edo atentatuak arrazoi politikoak zituenik ez du argitu.
Beltzez jantzitako bi lagun izan dira atentatugileak: zilindrada handiko moto batean, kaskoa jantzita, Egunsenti Urrekararen egoitzaren papera iritsi dira eta Kalaxnikov batekin tirokatu dute Neo Iraklioko egoitza.
