Malaysian gutxienez 140 hilobi topatu dituzte, Thailandiatik gertu. Oraindik ez dute jakinarazi zenbat hilotz dauden guztira, baina ehunka izan daitezke, Malaysiako polizia iturrien arabera. Myanmarko eta Bangladeshtik ihesean joandako rohingya eta bengalarrak dira hildakoak. Agintariek migratzaileen trafikoarekin lotu dituzte hilobiak.
Herrialdeko lehen ministro Najib Razak gaitzetsi egin du gertaera: "Oso kezkatuta gaude hilobien aurkikuntzarekin. Atzemango ditugu arduradunak".
Gero eta gehiago dira Bangladesh eta Myanmar utzi eta bizi-baldintza kaskarrak hobetzeko itsasoratzen direnak. UNHCR Iheslarientzako Nazio Batuen Goi Mandatariaren arabera, urteko lehen hiru hilabeteetan 25.000 lagunek ihes egin dute herrialde horietatik itsasontziz. Duela bi aste, migratzailez betetako hainbat itsasontzi erreskatatu zituzten.
