ELIKAGAIEI ITXAROTEN, ILARAN

NBE Nazio Batuen Erakundeak umeentzako elikagaiez betetako bigarren hegazkina bidali du Somaliako hiriburura. Guztira 28 tona eraman dituzte jada, baina zailtasunak dituzte somaliarren artean elikagaiak banatzeko, Trantsiziorako Gobernua eta Al Shabab milizia hiriburuaren kontrola hartu nahian izaten ari diren liskarrengatik. Unicefen arabera, 1,25 milioi umek berehalako laguntza behar dute Somalia hegoaldean, eta 640.000k malnutrizio larria dute.