Emakumeen eskubideak babesteko NBEren ebazpena

NBE Nazio Batuen Erakundeak 2000. urtean 1325 ebazpena onartu zuen, eta demokrazia eta behin betiko bakea lortzeko emakumeen eskubideak bermatzeak duen garrantzia nabarmendu zuen hor. Emakume heldu, gazte zein umeek gatazketan indarkeria gehigarria sufritzen dutela aitortu zuen NBEk aho batez; ebazpenean, gainera, gatazka ostean haien eskubideak gizonezkoenen pare egotearen garrantzia nabarmendu zuen. Segurtasun Kontseiluak gatazkan dauden aldeei formalki eta legalki emakumeen eskubideak errespetatzeko eskatzeko duen lehen agiria da. Netumbo Nandi-Ndaitwah Namibiako Emakumeen Gaietarako ministroa zenak proposatu zuen agiria.