Enbaxaden aurka erasoak egin dituzte Grezian

ATENAS Alarma piztu zen atzo Greziako hiriburuan, bigarren egunez. Suitzaren enbaxadan pakete susmagarri bat atzeman zuten, eta zabaltzen ahalegindu ziren. Eztanda egin zuen, baina. Ordu batzuk geroago gauza bera gertatu zen Errusiaren enbaxadan. Ez batean eta ez bestean ez zen inor zauritu. Bi egunetan guztira bederatzi eraso izan dira.