Eloy Velasco Espainiako Auzitegi Nazionaleko epaileak kartzelara bidali ditu Resistencia Galegako lau kide, "terrorismoa" egotzita: Eduardo Vigo Dominguez, Roberto Rodriguez Fiallega, Anton Santos Perez eta Maria Osorio Lopez.
Gaur deklarazioa hartu dion bestea aske laga du: Jessica Rodriguez. Hala ere, auzipetuta dago eta epaitegi batera joan beharko du hilero. Beste bat asteburuan utzi dute libre.
Seiak lehengo astean atxilotu zituen Espainiako Poliziak Galizian —Lugon, Santiagon eta Vigon—, "helburu terroristetarako lehergaiak" edukitzea eta Resistencia Gallega "erakunde terroristako" kide izatea leporatuta.
Atxilotu guztiak inkomunikatuta izan dituzte.
