Hegoafrikako presidentetzak jakinarazi atzo jakinarazi zuenez, Nelson Mandela Hegoafrikako presidente ohi eta bakearen Nobel sariduna etxera itzuli zen atzo, ia hiru hilabete Pretoriako ospitale batean eman ondoren.
“Mandelaren egoerak larria izaten jarraitzen du, eta ezegonkorra da tartera. Hala ere, bere sendagile taldea ziur da zaintza maila bera izango duela bere Houghtoneko etxean”, esan du presidentetzak ohar baten bidez.
Mandelaren etxea “egokitu” egin dute zaintza bertan jaso dezan, eta erietxean artatu duen talde berak beste horrenbeste egingo du etxean.
Ekainaren 8an erietxeratu zuten Mandela, biriketako gaitz batek jota, eta okerrera egin zuen haren osasun egoerak ekainaren 23an. Uztailaren 18an bete zituen 95 urte.
Ia hiru hamarkada egin zituen preso, eta bertan sortu zitzaizkion biriketako arazoak. Frederik De Klerk Hegoafrikako presidente zela askatu zuten 1990an, Apartheid erregimen arrazista deseginda. Biei eman zieten bakearen Nobel saria 1993an, eta hauteskundeak irabazi zituen Mandelak hurrengo urtean.
