PSE-EEko bi kidek gogor kritikatu dute gaur Ernest Maragall PSCko kide zena, Katalunian beste alderdi sozialista bat eratu nahi izateagatik. Alderdi "nazionalista" sortu nahi duela esan du Benegasek: "Ernest Maragall maitea: nazionalistek beti nahi izaten dituzue gauza txikiak. PSC duzu eta oraindik eta gauza txikiagoa egin nahi duzu".
Twitter bidez zuzendu zaio Benegas, eta Odon Elorza gehitu zaio: "Behingoagatik eta aurrekari izan gabe, zurekin ados nago", gaineratu dio. Maragallek biei erantzun die eta esan die "menpekotasunak" egin duela PSC "txikiago". Gainera, kataluniarra izatea ez dela nazionalista izatea zehaztu du.
