Frantziako Gobernuak iragarri du gaur hasiko den G8ren goi bileran egingo duen proposamenetako bat errenta ertaineko estatuen kanpo zorraren ordainketa «arintzea» izango dela, «erregimen berezi baten bidez». Estatu horien artean El Salvador bezalakoak daudela zehaztu zuen Eliseoko eledun Jerome Bonnafontek. «Ez dugu buruan herrialde horiei zorra ezabatzea, beren egoera ekonomikoak eta aberastasun mailak ez bailukete hori justifikatuko». Berriki Frantziako presidente Jacques Chiracek agindu zuen G8ko goi bileran errenta ertaineko estatuei laguntzeko beharra nabarmenduko duela. Duela bi urteko goi bileran ere hori proposatu zuen.
Errenta ertaineko herrien zorra arindu nahi du Frantziak
Iruzkinak
Ez dago iruzkinik
Ordenatu
