Katmanduko errege etxetik alde egin dute gaur Gyanendra errege ohiak eta haren emazteak. Atzeko atetik atera dira, limusina beltz batean, ate nagusia poliziak zaintzen zuen bitartean. Izan ere, jende asko bildu da jauregi atarian, erregearen kontra protestan.
Nolanahi ere, ez duela erbesteratzeko asmoarik agertu du Gyanendrak, eta errepublika berria ondo joan dadin lan egiteko prest agertu da. "Herritarren erabakia" errespetuz hartzen duela agertu du.
Duela bi aste errepublika aldarrikatu zuen maoistak gehiengo diren Nepalgo Legebiltzarrak, eta, horrenbestez, boterea galdu zuen erregeak. Katmandu erdialdean dago jauregia, eta museo bihurtzeko asmoa agertu du Gobernuak.
Errepublika aldarrikatu eta bi astera jauregitik alde egin du Nepalgo errege ohiak
Maoisten Gobernuak museo bihurtuko du mende bat baino gehiagoz errege familiaren egoitza izan den eraikina.
Iruzkinak
Ez dago iruzkinik
Ordenatu
