Erresuma Batuko Defentsa Ministerioak jakinarazi du gerra hegazkinak airreratu dituela Manchesterrren lur hartzekoa zen Pakistango bidaiari hegaldi batean "gora-beheraren bat" izan delako. Hegazkin zibilak Stanstedeko aireportuan lur hartu du, eta gune bakartu batean daukate. Segurtasun indarrek, hala ere, ez dute uste eraso terrorista bat izan denik, Sky News telebista kateak jakinarazi duenez.
Erresuma Batua asteazkenetik alerta egoeran dago, Londresko Woolwich auzoan ustezko ekintzaile islamistek soldadu bati lepoa moztu ondoren. Hala ere, hegaldi batean gertakariren bat izanez gero, gerra hegazkinak bidaltzea ohiko prozedura dela zehaztu dute segurtasun iturriek. Eraso terrorista baten arriskua apaltzen saiatu diren arren, lehen unean Pakistandik Erresuma Batuko aire eremura iritsitako hegazkinean "gora-behera serioren bat" izan dela adierazi dute.
Bi lagun atxilotu dituzte hegaldia arriskuan jartzea egotzita.
