Erresuma Batuko Parlamentuko Barne Arazoetako Batzordeak ikerketa nahita oztopatzea leporatu dio News Internationali.
Batzordeak bi poliziaburu ohi galdekatu ditu eta uste du baliabide gehiago jarri beharko liratezkeela entzuketen balizko biktimak informatzeko. Bereziki kritikoa da John Yates eta Andy Hayman azpikomisarioekin.
Metropolitar Polizia Zerbitzuan hainbat akats egon dira eta News Internationalek zenbait ikerketa oztopatzeko saiakerak egin ditu" esan du batzordeko presidente Keith Vazek.
Vazen esanetan, Yatesek ikerketa berriz irekitzeko beharrik ez dagoela ondorioztatzen duen 2009ko ikerketa "oso eskasa" da; gainera polizia hori akats larrien erantzule litzateke.
Haymanek zuzendu zituen lehen ikerketak; Vazek esan du Haymanek News Internationaleko bere kontaktuekin zuen harreman motak herritarrengan zalantzak sor zitzakeela bere alderdikeriarik ezaren ingruan.
Honetaz gain, Batzordeak eskatu du poliziek hedabideen aldetik dirurik jaso ote zuten ondo ikertzeko.
